لەگەڵ پەسەندکردنی پلانی داگیرکردنی شاری غەززە لەلایەن رژێمی داگیرکەرەوە، نزیکەی یەک ملیۆن فەلەستینی کە لە باکووری کەرتی غەززە دەژین، جارێکی دیکە بە زۆر ئاوارە دەبن.

بەناو کابینەی ئاسایشی رژێمی داگیرکەر بە سەرۆکایەتی بنیامین نەتانیاهۆ پلانی داگیرکردنی شاری غەززەی پەسەند کرد. ئەم گۆڕانکارییە جارێکی دیکە باکووری غەززەی کردە خاڵی سەرەکی هێرشەکان.

لە چاوپێکەوتنێکدا لەگەڵ فۆکس نیوز پێش کۆبوونەوەی کابینەی حکومەت، نەتانیاهۆ ئامانجی خۆی بۆ "داگیرکردنی هەموو غەززە" خستەڕوو. بەڵام هەندێک کەسایەتی بەناو باڵا لە ناو رژێمی داگیرکەردا، بەتایبەتی ئیێل زەمیر بەناو سەرۆکی ئەرکانی گشتی ، دژی ئەم بیرۆکەیەن. جگە لەوەش، سەلامەتی ئەو ئەسیرە داگیرکەرانەی کە لە ناوچەکەدا ڕاگیراون و کاردانەوەی کۆمەڵگەی نێودەوڵەتیش کاریگەرییان لەسەر بڕیاری سنووردارکردنی داگیرکارییەکە بۆ شاری غەززە هەبووە بۆ ئێستا.

هێرشەکانی رژێمی داگیرکەر بۆ سەر شاری غەززە شەپۆلێکی نوێی ئاوارەبوونی بۆ فەلەستینییەکان دەستپێکردووە، کە پێشتر لە ٧ی تشرینی یەکەمی ٢٠٢٣ەوە چەندین جار بە زۆر ئاوارە بوون، بەپێی سیاسەتەکانی رژێم کە لەژێر پەردەی "فەرمانی چۆڵکردن"دا جێبەجێکراون، نزیکەی یەک ملیۆن فەلەستینی بە زۆر لە باکوورەوە و دەچنە ناو ناوەڕاستی غەززە.(İLKHA)